Quni premton teleferik për në Kalanë e Prizrenit

Kandidati i LDK-së për kryetar të Prizrenit, Anton Quni sonte në RTV21 premtoi teleferik për Kalanë e Prizrenit.
Ai tha se lagjja nëpër të cilën duhet të kalojnë vizitorët për të shkuar te Kalaja është shndërruar në Kandahar.

Në Prizren janë 173 mijë e 359 qytetarë më të drejtë vote. Në garë për të udhëhequr Prizrenin janë gjithsej tetë kandidatë. LDK përfaqësohet me Anton Qunin, PDK me Shaqir Totajn, VV me Mytaher Haskukën, i cili po ashtu ka qenë kryetar komune në mandatin e kaluar, AKR përfaqësohet me Afrim Tejecin, AAK me Lulzim Kabashin, NISMA me Zafir Berishën, kandidat i pavarur është Milazim Lushaj, NDS me Cemailj Smailjin./21Media