Qyteti që njihet si vend i tolerancës dhe bujarisë

2 min read

Ky qytet i vogël jordanez ku minaret dhe kullat e kishave ndajnë horizontin u konsiderua një vend i tolerancës dhe mikpritjes nga UNESCO.

Ezani i agimit jehoi nëpër një luginë ende të përgjumur përpara se rrezet e para të diellit të fillonin të ndriçonin shtëpitë prej guri gëlqeror të artë, të grumbulluara në shpatet e tre maleve.

“Allahu Ekber” (“Zoti është i madh”), zëri i muezinit u ngrit mbi kupolat e qytetit.

“Hajja ‘ala-s-salah” (“Nxitoni në namaz”), thirrin altoparlantët nga minaret që mbulojnë peizazhin e thyer.

Pak çaste më vonë, rrugët e qytetit u mbushën me zilën e kambanave të kishës që lajmëronin meshën e mëngjesit.

As-Salt, një vend i tolerancës dhe mikpritjes.

Në qendrën historike të qytetit, qindra ndërtesa gëlqerore të trashëgimisë – që datojnë nga fundi i shekullit të 19-të dhe fillimi i shekullit të 20-të – me dyer të harkuara, kolona të gdhendura dhe dritare të larta që shkëlqenin në diell.

“Ndërtesat me gurë të verdhë janë të rëndësishme, por nuk janë arsyeja pse As-Salt është kaq unik. Ajo që e bën këtë qytet kaq të veçantë janë njerëzit këtu, mirësia e tyre. Për shekuj, qyteti ishte një ndalesë e rëndësishme për tregtarët dhe pelegrinët në rrugën e tyre për në Jerusalem, Damask, Bagdad ose Mekë. Banorët do të mirëpritnin vizitorët dhe do t’u ofronin atyre ushqim dhe akomodim. Ajo që e bën këtë qytet kaq të veçantë janë njerëzit këtu, mirësia e tyre”, tha Thaira Arabiyat, një pronare dyqani.

Në shekullin e 19-të, As-Salt u bë selia administrative e rajonit, duke tërhequr tregtarë me prejardhje të ndryshme fetare dhe kulturore.

Shumë përfunduan duke u vendosur në qytetin kodër, duke krijuar lagje të begata ku fiset lokale beduine u përzien me tregtarët dhe zejtarët levantinë./21Media