Njihuni me fshatin ku rritet lulja ‘Jasemin’, përbërëse thelbësore e parfumeve
Jasemini, një përbërës thelbësor në shumë parfume, rritet me bollëk rreth fshatit egjiptian Shubra Beloula, i cili është përgjegjës për pjesën më të madhe të prodhimit në botë.
Kur bëhet fjalë për parfumin, shumica e njerëzve mendojnë menjëherë për etiketat e famshme franceze si Chanel N°5, Miss Dior, Yves Saint Lauren’s Opium dhe Guerlain’s Shalimar.
Megjithatë, me siguri pak do ta dinin se një përbërës thelbësor në shumë prej këtyre markave ikonike vije nga një fshat i vogël në Egjipt.
Shubra Beloula El-Sakhaweya, e vendosur rreth 97 km në veri të Kajros dhe e quajtur thjesht si Shubra Beloula, është përgjegjëse për më shumë se gjysmën e prodhimit botëror të jaseminit.
Këto lule japin një aromë klasike femërore lulesh që gjendet në shumë parfume, duke e bërë jaseminin një gur themeli në parfumeri.
“Ne kemi arritur deri në 2,500 ton lule të përpunuara në vit ose në sezon. Kjo përbën rreth 60% plus ose minus të prodhimit botëror,” tha Hussein A Fakhry, pronar i fabrikës kryesore të nxjerrjes së jaseminit në Egjipt dhe kreu i komiteti ekzekutiv i Federatës Ndërkombëtare të Tregtisë së Vajrave Esencialë dhe Aromave (IFEAT).
Pjesa më e madhe e tokës së Shubra Belulës, rreth 257 hektarë, është e mbjellë me jasemin, me disa ferma që kultivojnë një pemë tjetër aromatike të quajtur portokalli e hidhur.
Fushat e jaseminit ndahen në rreshta dhe kur lulet lulëzojnë natën, ato lëshojnë një aromë ekzotike.
Fshatarëve u pëlqen të flasin me ata pak vizitorë që përshkojnë rrugët e paasfaltuara të qytetit për lulet e bukura që i rrethojnë dhe madje mund t’i ftojnë të ndihmojnë në procesin e vjeljes.
Për fshatarët, jasemini nuk është vetëm një lule me erë të këndshme, por një burim kryesor i jetesës së tyre.
“Të gjithë në këtë fshat nga më i madhi tek më i riu mbledhin lule jasemini. Fëmijët e moshës shtatë vjeç zgjohen në agim, zgjedhin jasemin për disa orë dhe më pas shkojnë në shkollë. Unë e bëja këtë që kur isha nëntë vjeç”, tha një banor.
Vjelja e jaseminit, e cila ndodh nga qershori deri në dhjetor, është një proces unik dhe magjepsës. Çdo ditë para perëndimit të diellit, fushat e jaseminit duken dhe nuhasin si çdo zonë tjetër e gjelbër me vetëm pak lule që shfaqen aty-këtu. Megjithatë, vetëm disa orë më vonë, sythat e pjekur hapen plotësisht dhe aroma e tyre përhapet nëpër fusha duke i ftuar fshatarët të shkojnë në errësirë për t’i mbledhur./21Media
