Qyteti ukrainas që ia bllokoi planet Rusisë

Një luftë e egër dy-ditore për kontrollin e qytetit Voznesensk dhe urës së tij me rëndësi strategjike ishte një nga betejat më vendimtare në Ukrainë deri më tani.
Fitorja do t’u kishte mundësuar forcave ruse të shtriheshin më në perëndim përgjatë bregut të Detit të Zi drejt portit të madh të Odesës dhe një centrali të madh bërthamor.
Në vend të kësaj, trupat ukrainase të mbështetura nga një ushtri elektrike vullnetarësh vendas i dhanë një goditje dërrmuese planit rus, fillimisht duke hedhur në erë urën dhe më pas duke e çuar ushtrinë pushtuese prapa deri në 100km në lindje.
“Është e vështirë të shpjegohet se si e bëmë këtë. Kjo është falë shpirtit luftarak të popullit tonë vendas dhe ushtrisë ukrainase”, ka thënë Yevheni Velichko.
Ashtu si në shumë vija të frontit në Ukrainë, raketat antitank të furnizuara nga Britania e Madhe rezultuan vendimtare për të kthyer valën kundër armaturës ruse në Voznesensk, duke e lënë qytetin të mbushur me deri në 30 tanke, makina të blinduara dhe madje një helikopter.
“Vetëm falë këtyre armëve arritëm ta mundim armikun tonë këtu”, ka thënë më tej Velichko./21Media