Radhë mbi 6 kilometra për të nderuar Elizabeth II

Qindra mijëra njerëz presin të nderojnë për herë të fundit mbretëreshën Elizabeth II, teksa qëndrojnë prej orësh në radhë në pritje për t’iu afruar Westminster Hall.
Sipas BBC-së, në orët e mëngjesit të së premtes radha është 6.3 kilometra e gjatë ndërsa pritjet shkojnë deri në 9 orë.

Qytetarët me veshje kryesisht të errëta që hynë në hallin antik të Westminster, i ndriçuar nga llampadarë, fshinin lotët ose përkuleshin në shenjë respekti teksa kalonin pranë arkivolit me trupin e Mbretëreshës së ndarë nga jeta më 8 shtator.
Arkivoli me trupin e pajetë të Elizabeth II ruhet në çdo orë nga njësitë e truprojave të monarkisë.
Qytetarët do të kenë kohë deri të dielën për t’i thënë lamtumirën sundimtares, ndërsa të hënën mbahet funerali shtetëror./21Media