Rama dënon atentatin ndaj kryeministrit të Sllovakisë
Kryeministri i Shqipërisë, Edi Rama ka dënuar atentatin e sotëm ndaj kryeministrit popullist pro-rus sllovak, Robert Fico.
Rama ka shprehur tronditjen nga lajmi i sulmit ndaj kryeministrit sllovak.
“Roberti është një i mbijetuar i fortë dhe një mik i dashur, dhe unë shpreh urimet e mia të përzemërta për një shërim të shpejtë dhe një rikthim të jashtëzakonshëm”, ka shkruar ai në platformën “X”.
Fico u qëllua me armë zjarri në Handlova pas një mbledhjeje të qeverisë. Ai ndodhet në spital, ku mjekët po përpiqen t’i shpëtojnë jetën, pasi gjendja e tij shëndetësore përshkruhet si kritike. Një zëdhënës i Ministrisë së Brendshme sllovake tha bëhet fjalë për atentat ndaj kryeministrit.
Policia sllovake ka arrestuar shkrimtarin 71-vjeçar Juraj Tsintula si i dyshuar.
I am deeply shocked and saddened by the terrible news of the heinous attack on the democratically elected Prime Minister of Slovakia. Robert is a great survivor and a dear friend, and I extend my heartfelt wishes for a quick recovery and another remarkable comeback.
— Edi Rama (@ediramaal) May 15, 2024