Rama ia dhuron Osmanit “Hyjneshën në fron”

Më rastin e Ditës së Gruas, kryetari i Komunës së Prishtinës, Përparim Rama i ka dhuruar figurën e Hyjneshës në fron, presidentes Vjosa Osmani.
Hyjnesha në fron është simbol i qytetit të Prishtinës.
“Këtu po ua dhurojmë Hyjneshën në fron, simbolin e Prishtinës. Ne si Komunë i kemi prioritet gratë edhe në kabinetin tonë. E shohim gruan si më të fuqishme”, tha Rama.
Presidentja e vendit, Vjosa Osmani e përgëzoi fillimisht për organizimet dhe seancat solemne që i ka organizuar kjo qeverisje “në datat e rëndësishme” duke përmendur këtu edhe atë në përvjetorin e luftës në Ukrainë.
Lidhur më figurën qe ia dhurojë kryetari Rama, ajo e falënderoi duke shtuar përveç simbolikës së qytetit, Hyjnesha në fron përfaqëson gruan e fuqishme.
“Fuqizimi i grave në politikë duhet të fillojë nga niveli lokal…sot të punosh për barazi gjinore do të thotë të punosh për drejtësi”, ka thënë ndër të tjera Osmani.