Rama: Na duhet një votë kuqezi

Rama ka kërkuar votën e banorëve të Mirditës gjatë ditës së sotme

Rama e cilësoi sheshin qendror të qytetit të Mirditës, një shesh evropian të transformuar, falë punës së kryebashkiakut Ded Ndreca dhe bashkepunimit me qeverinë.

Duke folur për kandidaten e parë të PS për qarkun e Lezhës, Lindita Nikolla, Rama tha se, ka udhëhequr reformën në arsim, falë të cilës sot ne jemi në rrugën e çlirimit përfundimtar të shkollës nga pasha e qindra teksteve që u morën frymën nxënësve dhe mësuesve, që ishin vetëm fryt i korrupsionit.

Rama ftoi të gjithë votuesit që t’i lënë mënjanë tifozlliqet, por të mendojnë për të ardhmen. “Na duhet një votë kuqezi për ti dhënë timonin e qeverisjes Partisë Socialiste, pa na detyruar të mbajmë të tjerë në prehër, të cilët nuk na lënë të drejtojmë timonin për arsye të ndryshme”, tha Rama.