Raportohen sulme të mëtejshme në Ukrainë

U raportua për sulme me raketa në Lviv gjatë orëve të fundit, por autoritetet kanë raportuar gjithashtu sulme në rajonin qendror të Kirovograd dhe rajonin jugperëndimor të Vinnytsia.
Transcarpathia, një rajon malor që kufizohet me Hungarinë dhe Sllovakinë dhe i cili deri më tani është kursyer nga sulmet, është goditur gjithashtu, sipas zyrtarëve.
“Shërbimet po punojnë në vendngjarje, po sqarojmë informacionet për të lënduar dhe viktima të mundshme”, tha në Telegram kreu i administratës ushtarake të rajonit Viktor Mykyta.
Rusia aktualisht është duke e përqendruar pushtimin e saj në rajonet lindore të Ukrainës, por ajo ka goditur edhe zona të tjera, me Moskën duke paralajmëruar se do të synojë flukset e armëve perëndimore në vend./21Media