Real Madridi i interesuar në Kessien

Gjigandi spanjoll po synon që ta përforcojë mesfushën me yllin e Milanit.
Real Madrid është duke përgatitur që të bëjë një ofertë për mesfushorin e Milanit Franck Kessie, raporton “El Nacional”.
Raportohej se Barcelona kishte shprehur interesim serioz për të nënshkruar me mesfushorin 24 vjeçar, por tani trajneri i tyre i ri Xavi nuk është i interesuar që të arrijë marrëveshje.
Tani, raportohet se Real Madridi ka hyrë në garë për shërbimet e Kessies, i cili mund të fillojë bisedimet për një marrëveshje me ”Galaktikët”, që në muajin janar.
Që prej transferimit te skuadra e Milanit, Kessie ka bërë 196 paraqitje për gjigandin e Serie A, duke regjistruar 32 gola dhe 15 asistime.