REL has në autokolonën ushtarke serbe që shkon nga Vranja drejt Nishit

Radio Evropa e Lirë (REL) vëzhgoi lëvizjen e një autokolone ushtarake në jug të Serbisë, nga drejtimi i Vranjës në drejtim të Nishit, afër qytetit të Predejanës, të shtunën më 30 shtator, pasi u shprehën shqetësimet në

Washington dhe Bruksel për dislokimin e forcave serbe përgjatë kufirit me Kosovën.

Qyteti i Predejanit ndodhet 300 kilometra në jug të Beogradit dhe rreth 100 kilometra nga pikëkalimi më i afërt kufitar ndërmjet Serbisë dhe Kosovës, Merdare.

Kolona me veturat e ushtrisë serbe, siç thekson reporteri REL , rreth mesditës po lëvizte nga jugu në veri të vendit.

Ushtria serbe ka dislokuar trupat e saj përgjatë kufirit me Kosovën, pas sulmit ndaj policisë së Kosovës më 24 shtator në Banjskë të Zveçanit. Kosova fajësoi Serbinë për sulmin, e cila mohon çdo lidhje.