Ronaldo e feston fitoren e parë përmes një postimi

Cristiano Ronaldo i është gëzuar fitores së parë në ligën arabe.
Ylli portugez me ekipin e tij Al-Nassr e mposhtën ekipin Al-Ettifaq me rezultat minimal, 1:0.
Edhe pse nuk ia doli të linte gjurmë në këtë takim, 38 vjeçari u ndie i lumtur që skuadra e tij fitoi, ndërsa i falënderoi edhe tifozët për përkrahjen që ia dhanë ekipit.
“Loja e parë, fitorja e parë, punë e mbarë djelmosha. I falënderojmë të gjithë tifozët për mbështetjen e jashtëzakonshme”, ka shkruar Ronaldo në rrjetet sociale.

Ronaldo luajti gjatë tërë ndeshjes, ndërsa do ta kërkojë golin e parë në ekipin e ri në një ndeshje zyrtare vetëm në duelin e radhës.
Al-Nassr prin në tabelën e Ligës Profesionale Saudite me 33 pikë të grumbulluara.