Rrënohet mbindërtimi pa leje në lagjen Dardania

 
Është rrënuar sot një mbindërtim pa leje në lagjen “Dardania” në Prishtinë.
Drejtori i Inspektoratit të Prishtinës, Adonis Tahiri, ka thënë se javë më parë është evidentuar një mbindërtim pa leje në lagjen “Dardania”.
Ai ka bërë të ditur se Inspektorët e Ndërtimit e kanë urdhëruar palën që t’i ndalë menjëherë punimet ndërtimore, dhe ta rrënojë vet pjesën e shtuar. Tahiri ka thënë se vendimi dhe urdhëresat e Inspekcionin nuk janë përfillur nga ana e palës, dhe i njëjti ka vazhduar punimet në mbindërtim.
Si rrjedhojë, Sektori i Ndërtimit në kuadër të Drejtorisë së Inspekcionit ka ekzekutuar sot vendimin e rrënimin, duke e larguar konkstruksionin nga pjesa e sipërme të ndërtesës.
Tahiri ka njoftuar në Facebook se hapësira është kthyer në gjendjen e mëparshme./21Media