Rritet numri i gjobave ndaj qytetarëve që s’po i respektojnë masat

Është rritur numri i gjobave që po shqiptohen ndaj qytetarëve të cilët nuk po respektojnë masat antiCOVID-19.
Vetëm në 24 orëshin e fundit Policia e Kosovës ka shqiptuar 264 gjoba ndaj qytetarëve të cilët nuk i përfillën masat e vendosura nga qeveria, përmes të cilave synohet mbrojtja dhe parandalimi i përhapjes së virusit korona.
Ndërsa një ditë më parë policia shqiptoi 190 gjoba për shkelësit e masave antiCOVID-19.
Ndërkohë që masat antiCOVID-19 u vendosen pasi në javën e dytë të muajit gusht ishin rritur rastet pozitive me koronavirus.
Sipas këtyre masave, shërbimet e gastronomisë lejohen të zhvillojnë aktivitetin e tyre nga ora 05:00 deri në orën 23:00. Gjithashtu në vendim thuhet se muzika lejohet vetëm deri në orën 21:30.
Ndërsa në raportin e fundit Instituti Kombëtar i Shëndetësisë Publike të Kosovës (IKShPK) njoftoi se nga 1.559 testime, 12 qytetarë kanë rezultuar pozitiv me virusin COVID-19.