Rritja e rasteve me Covid-19, dy komuna kërkojnë orë policore

 

Rritja e rasteve pozitive me Covid-19 në Maqedoninë e Veriut ka bërë që komunat si Negotina dhe Gjevgjelia të kërkojnë vendosjen e masës restriktive, si ora policore.

Sot këtë e ka kërkuar Gjevgjelia, ndërkaq dje Negotina.

Gjevgjelia kërkon që ora policore të fillojë nga ora 21:30 e deri në ora 05:00. Sipas kërkesës së Shtabit të Krizës, kjo duhet të vlejë derisa të stabilizohet situata.

Kërkohet edhe kufizimi i udhëtarëve në transportin publik, nga 70% të ulet në 50%.

Ditë më parë të njëjtën kërkesë e pati edhe Negotina, shkruan TV21

Ndryshe, Ministria e Shëndetësisë së Maqedonisë së Veriut ka informuar se gjatë 24 orëve të fundit vdiqën 11 persona që ishin të prekur me Covid-19, ndërsa u regjistruan edhe 843 raste të reja./21Media