Rusia ka kryer shkelje ndërkombëtare të të drejtave të njeriut

Organi evropian i sigurisë, Organizata për Siguri dhe Bashkëpunim në Evropë (OSBE), ka hetuar ngjarjet në Ukrainë.

Në një raport, i cili hetonte ngjarjet në fund të shkurtit dhe marsit, njoftoi se kishte prova të shkeljeve nga forcat ruse, duke përfshirë shkeljen e të drejtës për të jetuar, dhunën seksuale, vrasjet, dëbimet e detyruara, përdorimin e mburojave njerëzore dhe zhdukja e gazetarëve dhe aktivistëve të të drejtave të njeriut.

U njoftua gjithashtu se autokolona humanitare ishin sulmuar.

Sipas raportit, sulmi në maternitetin e Mariupolit më 9 mars ishte kryer nga Rusia – një akuzë që Moska e ka mohuar.

Raporti njoftoi se një sulm tjetër më 16 mars në teatrin e Dramës në Mariupol, ku po strehoheshin civilët, ishte krim lufte.

Raporti i OSBE-së informoi se Ukraina gjithashtu dukej se kishte kryer shkelje, veçanërisht në trajtimin e të burgosurve të luftës, por se shkeljet e Rusisë ishin shumë më të mëdha, shkruan BBC./21Media