Rusia ndalon furnizimin me gaz në Poloni

Ndërsa vendet evropiane po bëjnë lëvizje për të kufizuar ose ndaluar furnizimet e gazit natyror rus, ka raporte nga Polonia se Moska ka ndaluar dërgesat në këtë vend.
Faqja e internetit Onet.pl thotë se masa është konfirmuar jozyrtarisht nga burime në qeverinë polake dhe kompaninë shtetërore të gazit të vendit PGNiG.
Nuk ka ende një konfirmim zyrtar të lajmit, raporton BBC
PGNiG blen rreth 60% të importeve të gazit natyror të Polonisë nga Gazprom nëpërmjet tubacionit Yamal, përcjell rtv21.tv
Nëse furnizimet me të vërtetë janë pezulluar qëllimisht nga Gazprom, nuk do të ishte problem i menjëhershëm për Poloninë, sepse depozitat nëntokësore janë rreth 70% plot dhe stoqet mund të tërhiqen. Gjithashtu, kërkesa për gaz natyror është mjaft e ulët tani për shkak të sezonit të ardhshëm të verës.
Polonia planifikon të ndalojë importin e gazit rus deri në fund të vitit, kur kontrata e saj afatgjatë e furnizimit me Gazprom të skadojë.
Projekti Baltic Pipe ka kapacitetin për të zëvendësuar dërgesat ruse nëpërmjet tubacionit Yamal./21Media