Rusia po bën kontrolle të rekrutimit “derë më derë” në zonat e pushtuara
Forcat ruse po kryejnë kontrolle “derë më derë” në zonat e pushtuara të Ukrainës, duke kërkuar për të rinj në moshë rekrutimi, tha të hënën ushtria ukrainase.
“Në territoret e pushtuara përkohësisht, vazhdojnë masat e mobilizimit, gjatë të cilave forcat okupuese kryejnë derë më derë dhe bëjnë listat e burrave të moshës së rekrutimit”, tha në një deklaratë Komanda Operacionale e Ukrainës Jug.
Forcat ruse gjithashtu kanë shtuar kontrollet e dokumenteve në pikat e kontrollit, duke e bërë “sa më të vështirë të jetë e mundur” largimin nga zonat e pushtuara, thuhet tutje në deklaratë.
Zyrtarët ukrainas kanë paralajmëruar prej disa kohësh se Rusia planifikonte të përdorte aneksimet e pretenduara si pretekst për të tërhequr ukrainasit në zonat e pushtuara për t’i përdorur si “ushqim për top”./21Media
Dëshiron ta dëgjosh këtë lajm me zë?