Rusia pretendon se do lejojë evakuimin e civilëve pavarësisht marrëveshjeve

Ministria ruse e Mbrojtjes pretendon se do të ndalojë të shtënat në orën 10 të mëngjesit me kohën lokale të hënën (02:00 ET) për të lejuar civilët të largohen nga shtëpitë e tyre në qytetet ukrainase të Kievit, Kharkiv, Sumy dhe Mariupol, pavarësisht shkeljes së vazhdueshme të marrëveshjeve të mëparshme.

Në një deklaratë të hënën, ministria tha se vendimi vjen me kërkesën personale të presidentit francez, Emmanuel Macron dhe se detajet përkatëse u janë komunikuar organeve ndërkombëtare, përfshirë Kombet e Bashkuara.

Të dielën, një sulm ushtarak rus goditi në një pikë kalimi evakuimi në periferi të Kievit, duke vrarë një familje me dy fëmijë dhe disa civilë të tjerë që po largoheshin nga shtëpitë e tyre.

Dy predha artilerie goditën pikën e kontrollit në periferi të Irpin, në veriperëndim të Kievit, thanë autoritetet ukrainase. Mediat ndërkombëtare që filmuan në pikën e kontrollit raportuan se një predhë ra teksa po kalonte një lumë civilësh./21Media