Samsung emëron miliarderin Jay Y. Lee si kryetar

Samsung ka emëruar Jay Y. Lee, udhëheqësin e saj de facto për një kohë të gjatë, si kryetar ekzekutiv.
Vendimi u njoftua të enjten, duke zyrtarizuar se kush do të vazhdojë të drejtojë kompaninë më të vlefshme dhe më të njohur të Koresë së Jugut. Lee kishte mbajtur më parë titullin e zëvendëskryetarit.
Bordi i Samsung, i cili miratoi ndryshimin, “citoi mjedisin aktual të pasigurt të biznesit global dhe nevojën urgjente për llogaridhënie më të fortë dhe stabilitet biznesi”.
Vendimi vjen vetëm disa muaj pasi Lee, pasardhësi i një prej familjeve më të fuqishme të Koresë së Jugut, u fal për përvetësim dhe ryshfet.
Në gusht, Lee u shfajësua personalisht nga presidenti i vendit për keqbërjen e tij të supozuar, me zyrtarët që përmendën një krizë ekonomike që kërkonte vëmendjen e drejtuesve të saj të lartë të biznesit.
Falja i dha fund ndalimit pesë-vjeçar të Lee-t për të mbajtur një pozicion zyrtar në Samsung. Miliarderi u dërgua dy herë në burg, por kishte dalë me kusht që nga viti i kaluar./21Media