Sekuestrohen armë dhe municion në Mitrovicë

Policia e Kosovës ka gjetur dhe sekuestruar armë dhe sasi të ndryshme të municionit në një lokacion në Mitrovicë.
Në cilësi të provave materiale Policia ka konfiskuar AK-47, dy karikatorë të zbrazët, 20 fishekë të AK-47, 2 fishekë të pushkës se gjuetisë, një set për pastrim të armës, 2 granata dore dhe dy detonatorë.
“I dyshuari tashme i njohur për policinë nuk është gjetur në shtëpi, ku sipas informatave i dyshuari në fjalë është jashtë vendit”, ka njoftuar Policia e Kosovës.
Me urdhër të prokurorit, ndaj tij është iniciuar rasti ‘Mbajtje në pronësi, kontroll apo posedim të paautorizuar i armës./21Media