SHBA beson se mund të “identifikojë njësitë ruse” që kryen mizoritë në Bucha

SHBA tani beson se “do të jetë në gjendje të identifikojë njësitë ruse” që kryen mizoritë në Bucha të Ukrainës, sipas një zyrtari amerikan.
Identifikimi i personave të përfshirë “është një prioritet jashtëzakonisht i lartë tani” për komunitetin e inteligjencës amerikane, transmeton rtv21.tv.
“Mbledhja dhe analizimi i rrymave të inteligjencës duke përdorur të gjitha mjetet dhe asetet e disponueshme ka nisur që kur mizoritë dolën në dritë dhe SHBA është në pikën e “ngushtimit” të përgjegjësisë”, tha zyrtari.
Nuk është e sigurt që SHBA do t’i shpallë publikisht gjetjet e saj dhe mund të merret një vendim për t’ia lënë Ukrainës. SHBA po analizon gjithashtu treguesit e mundshëm se më shumë se një njësi ruse ose grup luftëtarësh ishte në Bucha gjatë kohës kur ndodhën mizoritë. Shtetet e Bashkuara po përpiqen të përcaktojnë nëse një pjesë e kësaj ndodhi kur një njësi ruse po tërhiqej dhe një tjetër hyri./21Media