ShBA do të dërgojë 800 milionë dollarë shtesë ndihmë ushtarake në Ukrainë

Shtetet e Bashkuara të Amerikës do të dërgojnë 800 milionë dollarë shtesë në ndihmë ushtarake në Ukrainë.

Njoftimi erdhi pas një bisede telefonike midis presidentit të Ukrainës, Volodymyr Zelensky dhe presidentit amerikan, Joe Biden.

Biden tha se mbështetja do të përfshijë armë të reja të përshtatura për të luftuar “sulmin më të gjerë” të pritshëm të Rusisë në lindje të Ukrainës.

Paketa përfshin gjithashtu helikopterë dhe ato që Biden i quajti “aftësi të reja” si sistemet e artilerisë dhe transportuesit e personelit të blinduar.

Zyrtarë të lartë të mbrojtjes amerikane thanë se ndihma ushtarake totale e ofruar nga ShBA tani është më shumë se 3 miliardë dollarë, shkruan BBC, përcjell rtv21.tv

Biden tha se armatimi i furnizuar deri më tani ka ndihmuar në sigurimin e dështimit të synimeve fillestare të luftës të Rusisë.

Por, ai shtoi se nuk ishte koha për të pushuar, duke thënë: “E sigurova Presidentin Zelenskyy se populli amerikan do të vazhdojë të qëndrojë me popullin trim ukrainas”./21Media