Shefi i FTX, Sam Bankman-Fried, mbërrin në SHBA për t’u përballur me akuzat

Sam Bankman-Fried, ish-shefi i shkëmbimit të dështuar të kriptomonedhave FTX, ka mbërritur me aeroplan në Nju Jork nga Bahamas për t’u përballur me akuzat për mashtrim.
30-vjeçari u ekstradua me dyshimin se kishte kryer “një nga mashtrimet më të mëdha financiare në historinë e SHBA-së”, thanë autoritetet amerikane.
Bankman-Fried, i cili mohon akuzat, mund të paraqitet në gjykatë më vonë të enjten në mëngjes.
Dy nga ish-bashkëpunëtorët e tij janë deklaruar fajtorë për akuzat e lidhura.
Bashkëthemeluesi i FTX Gary Wang dhe Caroline Ellison, ish-kreu i firmës së tregtimit të kriptomonedhave Alameda Research, u akuzuan të dy për “role në mashtrimet që kontribuan në kolapsin e FTX”, njoftoi Damian Williams, avokat për Distriktin Jugor të Nju Jorkut.
Ata të dy tani po bashkëpunojnë me Distriktin Jugor të Nju Jorkut, tha ai në një video ndërsa dokumentet e gjykatës u publikuan.
Një avokat i Wang tha se klienti i tij kishte pranuar përgjegjësinë për veprimet e tij dhe i kishte marrë seriozisht detyrimet e tij si dëshmitar bashkëpunues./21Media