Shkon në 162 numri i viktimave nga tërmeti

Të paktën 162 persona kanë humbur jetën dhe qindra të tjerë janë lënduar si pasojë e një tërmeti në ishullin indonezian Java.
Tërmeti me magnitudë 5.6 goditi qytetin Cianjur në Java perëndimore, në një thellësi të cekët prej 10 km, sipas të dhënave të Shërbimit Gjeologjik të SHBA.
Ekipet e shpëtimit po punonin gjatë natës në përpjekje për të shpëtuar të tjerët që mendohet se janë ende të bllokuar nën ndërtesat e shembura, transmeton rtv21.tv.
Zona ku goditi tërmeti është me popullsi të dendur dhe të prirur për rrëshqitje dheu, me shtëpi të ndërtuara keq të kthyera në rrënoja në shumë zona.
Duke folur për mediat lokale guvernatori rajonal Ridwan Kamil tha se rreth 326 njerëz ishin lënduar nga tërmeti, duke vënë në dukje se “shumica prej tyre pësuan fraktura nga rrënojat”.
Por ai paralajmëroi se disa banorë mbetën “të bllokuar në vende të izoluara” dhe tha se zyrtarët ishin “nën supozimin se numri i të plagosurve dhe vdekjeve do të rritet me kalimin e kohës”.
Guvernatori i Java-s Perëndimore shtoi se më shumë se 13,000 njerëz ishin zhvendosur nga fatkeqësia dhe BNPB tha se mbi 2,200 shtëpi ishin dëmtuar nga tërmeti./21Media