Shkon në afro 200 numri i të vrarëve në Liban nga sulmet ajrore izraelite
(Lajm i përditësuar)
Numri i të vrarëve në Liban nga sulmet ajrore izraelite po rritet.
Ministria libaneze e Shëndetësisë ka njoftuar se 182 persona janë vrarë, derisa mbi 727 tjerë janë të plagosur.
Po konsiderohet si sulmi më vdekjeprurës, në afro një vit përleshje mes Hezbollahut dhe ushtrisë izraelite.
IDF-ja izraelite këtë mëngjes ka informuar banorët në jug dhe lindje të Libanit, që të evakuohen nga shtëpitë e tyre.
Megjithatë nuk kaluan shumë minuta dhe sulmet ajrore izraelite filluan mbi pozicionet e Hezbollahut në Liban.
Të paktën 100 të vrarë në sulmet ajrore izraelite
Ministria e shëndetësisë e Libanit thotë se të paktën 100 njerëz janë vrarë dhe qindra të tjerë janë plagosur në sulmet izraelite sot.
Izraeli thotë se sulmet kundër Hezbollahut po “thellohen” pasi qytetarët në Libanin jugor kanë marrë mesazhe telefonike duke i paralajmëruar ata të largohen nga vendet e përdorura nga grupi i mbështetur nga Irani.
Një ministër libanez i quan mesazhet “luftë psikologjike”, ndërsa ministri i mbrojtjes i Izraelit thotë se sulmet do të vazhdojnë “derisa të arrijmë qëllimet tona – të kthejmë banorët e veriut të sigurt në shtëpitë e tyre”.
Frika e një konflikti gjithëpërfshirës rajonal në Lindjen e Mesme është rritur javën e kaluar – sulmet ndërkufitare janë rritur pas një serie sulmesh me pajisje shpërthyese ndaj anëtarëve të Hezbollahut, për të cilat fajësohej gjerësisht Izraeli./21Media
Dëshiron ta dëgjosh këtë lajm me zë?