Shpërthim i fuqishëm, 25 persona dërgohen në spital

Rreth 25 persona u dërguan në spital pasi një shpërthim në një ndërtesë banimi në Suedi herët të martën.
Policia tha se kishte hapur një hetim. Zëdhënësi i Spitalit Universitar Sahlgrenska tha se tri gra u plagosën rëndë mes personave të dërguar në spital.
Shërbimet e urgjencës thanë se po punonin për të evakuuar njerëzit dhe për të shuar zjarret në ndërtesë.
“Disa apartamente dhe shkallë janë prekur. Aktualisht është e paqartë se çfarë ka shkaktuar shpërthimin,” thanë shërbimet e urgjencës për zonën më të gjerë të Gothenburg.
Një zëdhënës i shërbimeve të urgjencës tha se disa qindra njerëz ishin evakuuar nga afërsia e shpërthimit dhe zjarrit.
Shkaku i menjëhershëm i shpërthimit dhe zjarrit ishte i paqartë./21Media