Shpërthim në Zveçan, deklarohet policia
Një shpërthim është raportuar se ka ndodhur te objekti i Postës në Zveçan, pak minuta pas mesnatës.
Lidhur me rastin, janë deklaruar nga Policia e Kosovës.
Zëvendësdrejtori për rajonin e veriut, Veton Elshani, ka thënë se rasti ka ndodhur rreth orës 00:30.
“Persona të lënduar nuk ka, janë thyer xhamat në një pjesë, por, s’mund të ndajmë më shumë informacione. Policia me njesitet relevante janë në vendin e ngjarjes aktualisht”, tha Elshani.
Ky nuk është incidenti i vetëm në pjesën e komunave veriore të Kosovës, pasi veç në vitin 2024, janë regjistruar plot 15 sosh.
Lexim me zë
Dëshiron ta dëgjosh këtë lajm me zë?