Shpërthime në Kiev në ditën e dytë të sulmit rus

Kryeqyteti i Ukrainës, Kievi, u shënjestrua me raketa para agimit të së premtes, sipas një këshilltari të qeverisë ukrainase, ndërsa Rusia vazhdonte sulmin e saj ushtarak ndaj vendit.
“Sulmet në Kiev me raketa lundrimi ose balistike vazhduan”, u tha gazetarëve Anton Gerashchenko, këshilltar i kreut të Ministrisë së Punëve të Brendshme të Ukrainës përmes mesazheve me tekst të premten, ndërsa popullsia e qytetit po përgatitej për më shumë veprime ushtarake ruse.
Një ekip i CNN në terren raportoi se kishte dëgjuar dy shpërthime të mëdha në qendër të Kievit dhe një shpërthim të tretë të fuqishëm në distancë. Pamjet tregojnë një bllok apartamentesh në flakë, por shkaku i zjarrit është i paqartë, transmeton rtv21.tv.
Vetëm një ditë më parë, forcat ruse hynë nga toka, deti dhe ajri, duke shkaktuar një breshëri dënimesh dhe sanksionesh ndërkombëtare mes pyetjeve rreth ambicieve më të gjera të presidentit rus Vladimir Putin për vendin./21Media