​Shpresa për Liverpoolin për ta transferuar Bellingham

Gjiganti anglez, Liverpool po çalon në mesfushë dhe dëshiron me çdo kusht që të ketë përforcime në atë repart.
Tanimë nuk është sekret që Liverpooli po e kërkon me ngulm yllin e Borussia Dortmundit, Jude Bellingham.
Por, në garën për shërbimet e yllit anglez, Liverpooli ka përballë Real Madridin, dhe thuhet se dy gjigantët evropianë do luftojnë kokë më kokë për nënshkrimin e Bellingham.
Dortmundi po kërkon një shumë marramendëse prej 150 milionë eurosh, dhe tani siç raportohet nga “Marca”, Reali nuk dëshiron që ta paguajë atë tarifë të lartë.
Bëhet e ditur se Reali nuk do të ofrojë në shumë se 110 milionë euro për Bellingham, gjë kjo që i jep shpresë Liverpoolit.
Është raportuar se Liverpooli e do me çdo kusht Bellingham dhe se do të pranojë të paguajë çfarëdo shume për të, dhe tani me Realin që refuzon të paguajë mbi 110 milionë, ka shpresa se “Të Kuqtë” e Jurgen Klopp të jenë favoritë për ta transferuar yllin e Dortmundit në “Anfield Road”.

Back to top button