Sindikata e Infermierëve reagon pas incidentit gjatë Kongresit në Prishtinë

Sindikata e Infermierëve të Kosovës ka reaguar pas incidentit që ndodhi në kongresin e sindikatave të Shëndetësisë ku u panë shumë tensione dhe fyerje mes anëtarëve.
Sindikata e Infermierëve e dënon gjuhën vulgare e cila është përdorur në Kongres, e sidomos kur ajo u drejtohej femrave të pranishme.
“Jemi dëshmitar që kohën e fundit janë duke u zhvilluar shumë fushata ndërgjegjësimi në përpjekje që të ndalet dhuna ndaj grave, andaj arritja e ndryshimeve në sjellje kolektive kërkon përpjekje afatgjata, ndarje të praktikave dhe bashkëpunim më të mirë, planifikim dhe sqarime të detajuar në lidhje me qëndrimet që duhet të ndryshohen, vazhdimësinë, burimet dhe vlerësimin.”, thuhet tutje në reagimin e sindikatës.

Sindikata e Infermierëve të Kosovës bënë thirrje që mosmarrëveshjet eventuale të zgjidhen përmes dialogut, ndërsa dhuna dhe përdorimi i gjuhës vulgare nuk i bënë dobi askujt.
‘Ne duhet të punojmë së bashku për të siguruar që njëri-tjetrin t’a trajtojmë me respekt dhe dinjitet. Ne duhet të pranojmë se të gjithë ne kemi të drejta të barabarta si njerëz qoftë edhe për të kandiduar për pozicione pa dallim gjinie”, thuhet në fund të reagimit./21Media
Back to top button