Sllovakia do të kufizojë numrin e diplomatëve rusë

Sllovakia njoftoi se po kufizon numrin e diplomatëve rusë që mund të punojnë në ambasadën ruse në Bratislavë.
Teknikisht, këto nuk janë dëbime, por 35 diplomatë rusë do të duhet të largohen nga vendi.
Ministria e Jashtme e Sllovakisë tha se kishte marrë vendimin në përgjigje të aktiviteteve të stafit të ambasadës ruse që ishin në kundërshtim me Konventën e Vjenës për marrëdhëniet diplomatike.
Një burim i tha Danny Aeberhard të BBC-së se masa, në fakt, do të përgjysmonte madhësinë e misionit diplomatik të Rusisë në Sllovaki.
Kjo vjen pasi katër vende të BE dëbuan të martën më shumë se 40 diplomatë rusë të dyshuar për spiunazh.
Irlanda, Belgjika, Holanda dhe Republika Çeke lëshuan urdhra dëbimi për gjithsej 43 punonjës të ambasadës, të martën pasdite./21Media