Sri Lanka, Premadasa tërhiqet nga gara për President

Udhëheqësi kryesor i opozitës në Sri Lanka, Sajith Premadasa është tërhequr nga gara presidenciale.
Premedasa përmes një njoftimi ka thënë se “për të mirën e vendit tim që dua dhe njerëzve që dua, tërheq kandidaturën time për postin e presidentit”.
I njëjti premtoi mbështetje për Dullas Alahapperuma, kandidati nga një grup i shkëputur i partisë në pushtet Sri Lanka Podujana Peramuna.
Vendimi për t’u tërhequr nga gara presidenciale besohet se vjen pjesërisht nga e ardhmja e vështirë politike me të cilën përballet çdo president që merr këtë rol tani.
Qeveria e re, e cila propozohet të jetë një qeveri uniteti ndërpartiake, mund të zgjasë vetëm gjashtë deri në tetë muaj derisa vendi të mund të përballojë të shkojë në zgjedhje parlamentare. Zgjedhjet presidenciale nuk mbahen deri në nëntor 2024.
Mbështetja e Premadasa sjell me vete të gjitha votat nga partia e tij opozitare Samagi Jana Balawegaya (SJB). Kjo përmirëson ndjeshëm shanset e Alahapperuma për të mundur Wickremesinghe, kryeministrin dhe presidentin në detyrë i cili do të kandidojë si kandidati zyrtar i SLPP në votimin e fshehtë, i cili zhvillohet në parlament të mërkurën.
Tani do të jetë një votim me tre drejtime midis Alahapperuma, Wickremesinghe dhe lideres së majtë Anura Dissanayake, të cilët të gjithë u emëruan zyrtarisht nga ligjvënësit në një seancë të shkurtër parlamentare të martën në mëngjes.
Të martën, në të gjithë kryeqytetin e Colombos, protesta masive që kërkonin dorëheqjen e Wickremesinge ishin planifikuar nga studentët dhe grupet protestuese./21Media