Stoltenberg falënderues ndaj Turqisë për dërgimin e trupave shtesë në Kosovë
(Lajm i përditësuar)
Vendimin e Turqisë për të sjell trupa shtesë në Kosovë, në kuadër të misionit paqeruajtës të NATO-s e ka mirëpritur Sekretari i Përgjithshëm i NATO-s, Jens Stoltenberg.
Ai tregoi se ka zhvilluar një takim shumë produktiv me Erdoganin, me pjesëmarrjen e anëtarëve të qeverisë së tij të re, duke theksuar rëndësinë e Turqisë dhe kontributin e saj në NATO.
Ai vuri në dukje furnizimin e njësive ushtarake të Turqisë për misionin paqeruajtës në Kosovë, duke theksuar rëndësinë e madhe të këtij kontributi në një kohë të përshkallëzimit të tensioneve në veri.
Stoltenberg, shprehu tutje falënderimet e tij për Turqinë për dërgimin e trupave, duke treguar për kontributet e tjera të saj në Irak, Ukrainë dhe vende të tjera.
Sekretari i Përgjithshëm e uroi presidentin turk Recep Tayyip Erdogan për rizgjedhjen e tij dhe për pjesëmarrjen e lartë në votime të popullit turk. Ata diskutuan një sërë çështjesh në agjendën e Samitit të NATO-s e cila do të mbahet në Vilnius në muajin korrik, duke përfshirë mbështetjen për Ukrainën, punën për të forcuar parandalimin dhe mbrojtjen dhe luftën kundër terrorizmit.
Publikohet video: Turqia nis trupat e saj në Kosovë për të përforcuar KFOR-in
Ministria e Mbrojtjes së Turqisë, ka publikuar një video ku shihen forcat turke duke u nisur për Kosovë.
Në njoftim thuhet se këto forca paqeruajtëse turke do të nisen në Kosovë për shkak të zhvillimeve të fundit në Veri.
NATO e ka përshendetur vendosjen e këtyre forcave në Kosovë, duke e parë si forcim të sigurisë./21Media
Kosova’da meydana gelen olaylar sonrası bölgede görevlendirilen 65’inci Mekanize Piyade Tugay Komutanlığımıza (Lüleburgaz) bağlı komando taburu, Kosova’ya intikale başladı.#MillîSavunmaBakanlığı pic.twitter.com/uuCyGs7eV0
— T.C. Millî Savunma Bakanlığı (@tcsavunma) June 4, 2023
/21Media