Borrell: E njoftova Stoltenbergun për rezultatin zhgënjyes të takimit
(Lajm i përditësuar)
Përfaqësuesi i Lartë i BE-së për Politikë të Jashtme, Josep Borrell, ka thënë se e ka informuar Sekretarin e NATO-s, Jens Stoltenberg, për siç tha ai, rezultatin zhgënjyes të takimit të sotëm mes kryeministrit Kurti dhe presidentit serb, Vuçiq.
“Përshkallëzimi duhet të shmanget. BE dhe NATO mbeten të koordinuara, gjithashtu në terren”, ka shkruar Borrell në llogarinë e tij në “Twitter”
Ai tha se EULEX-i po monitoron situatën nga afër në veri të vendit.
Debriefed @NATO SG @jensstoltenberg about the disappointing outcome of today’s EU-facilitated high level meeting between Belgrade and Pristina.
Escalation must be avoided. The EU and NATO remain coordinated, also on the ground. @EULEXKosovo is monitoring closely.
— Josep Borrell Fontelles (@JosepBorrellF) November 21, 2022
20:17- Stoltenberg telefonon Borrellin për Kosovën: Të shmangen eskalimet
Sekretari i përgjithshëm i NATO-s, Jens Stoltenberg, ka biseduar me përfaqësuesin e lartë të BE-së, Josep Borrell, për çështjen e targave, mosmarrëveshje kjo mes Kosovës dhe Serbisë.
Në reagimin e tij, Stoltenberg thotë se janë të zhgënjyer, ndërsa specifikon se pavarësisht kësaj, NATO mbetet vigjilent.
”Fola me @JosepBorrell. Jemi të zhgënjyer që nuk ishte e mundur të zgjidhej mosmarrëveshja e targave. Tani është koha për përgjegjësi dhe zgjidhje pragmatike. Përshkallëzimi duhet të shmanget. @NATO_KFOR mbetet vigjilent”./21Media
Spoke to @JosepBorrellF. We are disappointed that it was not possible to solve the licence plate dispute. Now is the time for responsibility & pragmatic solutions. Escalation must be avoided. @NATO_KFOR remains vigilant.
— Jens Stoltenberg (@jensstoltenberg) November 21, 2022