Stoltenberg: Ukraina është shumë afër anëtarësimit në NATO

Sekretari i Përgjithshëm i NATO-s, Jens Stoltenberg, ka thënë se Ukraina është më afër se kurrë anëtarësimit në Aleancë, duke thënë se “pyetja nuk është nëse, por kur”.

Stoltenberg ka thënë të hënën në një konferencë për media se ka besuar që Suedia, që të enjten u anëtarësua zyrtarisht në NATO, është aleate e përkushtuar.

“Ukrainë do të bëhet aleate e NATO-s. Pyetja nuk është nëse, por kur. Ukraina tash është më afër se kurrë më parë anëtarësimit në NATO”, është shprehur ai.

Sekretari i Përgjithshëm i NATO-s ka theksuar se dorëzimi për Ukrainën nuk është paqe, duke potencuar se “vetëm presidenti rus ka fuqinë për t’i dhënë fund luftës”.

Komentet e sekretarit të NATO-s erdhën pasi flamuri suedez u vendos në selinë e NATO-s, duke u radhitur si shteti i 32-të anëtar.