Stoltenberg: Ukraina mund ta fitojë këtë luftë

Sekretari i Përgjithshëm i NATO-s, Jens Stoltenberg ka thënë se .Ukraina mund ta fitojë këtë luftë.
“Lufta e Rusisë në Ukrainë nuk po shkon siç ka planifikuar Moska. Ajo dështoi të marrë Kievin. Ata po tërhiqen nga rrethi i Kharkiv, ofensiva e tyre e madhe në Donbass ka ngecur. Rusia nuk po i arrin objektivat e saj strategjike. Ukrainasit po e mbrojnë me guxim atdheun e tyre. Për t’i ndihmuar ata për ta bërë këtë, aleatët kanë angazhuar dhe kanë ofruar ndihmë sigurie në Ukrainë me vlerë miliarda dollar”, ka thënë Stoltenberg.
Aleatët shprehën mbështetje të fortë për Ukrainën dhe “forcim të mëtejshëm të parandalimit të NATO-s në mbrojtje dhe implikimet afatgjata të luftës duke përfshirë qëndrimin tonë të ardhshëm ndaj Rusisë”, shtoi ai.
Për më tepër, ai  shtoi se “dera e NATO-s është e hapur” për Suedinë dhe Finlandën, duke e quajtur vendimin e tyre për të aplikuar historik./21Media