Sulmi i Rusisë me dronë vret gjashtë persona në Kharkiv të Ukrainës

Të paktën gjashtë persona kanë vdekur në një sulm me dron rus në qytetin ukrainas Kharkiv, thonë zyrtarët lokalë.

Kryebashkiaku Ihor Terekhov tha se dronët Shahed të prodhuar nga Irani kishin goditur disa ndërtesa, duke përfshirë blloqe apartamentesh, herët të shtunën.

Sulmet në Kharkiv, qyteti i madh më i afërt me kufirin rus, janë intensifikuar javët e fundit.

Zyrtarët ukrainas kanë thënë se qyteti mund të jetë objektivi i një ofensive të ardhshme ruse.

“Ky sulm ndaj banorëve paqësorë të Kharkiv dëshmon edhe një herë se Rusia është një shtet terrorist”, shkroi Terekhov në aplikacionin e mesazheve Telegram. Të paktën 10 persona u plagosën nga sulmi, shtoi ai.

Fotot e pa verifikuara të publikuara nga policia ukrainase treguan shpëtimtarët në vendngjarje, me ndërtesa të dëmtuara dhe të djegura të dukshme.

Policia raportoi për dëmtime në blloqe banimi, pika karburanti, ndërtesa administrative dhe makina./21Media