Sylejman Selimi dërgohet në Spital

Selimi mbrëmë është shtruar në spital

Ish-Gjenerali i UÇK-së, Sylejman Selimi mbrëmë është shtruar në Qendrën Klinike Universitare të Kosovës (QKUK), për shkak të përkeqësimit të gjendjes së tij shëndetësore, ku po vazhdon edhe sot të jetë nën kujdesin e stafit mjekësor.

Lajmin për shtrimin e Sylejman Selimit në spital e ka konfirmuar edhe drejtori i Burgjeve, Nehat Thaçi për kallxo.com.

Kujtojmë se më 24 maj 2013 ishte arrestuar gjeneral, Sylejman Selimi dhe ishte shpallur fajtor për një vepër penale të krimeve të luftës kundër popullatës civile nga Gjykata Themelore në Mitrovicë më 27 maj 2015 dhe ishte dënuar më 6 vjet burg.

Ndërsa, më  7 qershor 2018 është mbajtur rigjykimi për “Drenica 2”, më 11 qershor është mbajtur për “Drenica 1”. Për këtë edhe avokati i tij, Tomë Gashi pati thënë ditë më parë se pa asnjë të drejtë ligjore po vazhdon të mbahet në burg Sylejman Selimi tash e tre muaj.