Tahiri: Asnjë rezultat për dy vjet qeverisje, shumë fjalë boshe

Shefi i Grupit Parlamentar të AAK-së, Besnik Tahiri ka thënë se për dy vite, qytetari i Kosovës po merr vetëm fjalë, premtime boshe dhe reflektim se çka ka ndodhë qe 20 vjet.

Tahiri ka thënë se krerët e shtetit po marrin pjesë nëpër konferenca ndërkombëtare dhe takime në shtete të ndryshme, por rezultate s’ka.

“Është e pabesueshme të shihet se si krerët e shtetit shkojnë në konferenca ndërkombëtare, në takime në shtete të ndryshme, në vizita bilaterale që janë të pakta, dhe për çudi e habi, nuk ka asnjë efekt, asnjë projekt, asnjë benifit për qytetarët e Kosovës”, ka shkruar Tahiri./21Media