Takimi në Bruksel, Lajçak kërkon progres në procesin e dialogut
Përfaqësuesi special i BE-së për dialogun, Miroslav Lajçak, është takuar sot në Bruksel me kryenegociatorët e Kosovës dhe Serbisë.
Lajçak në Twitter ka bërë të ditur se gjatë takimeve të ndara me Besnik Bislimin dhe Petar Petkoviq ka përsëritur qëndrimin e vendeve anëtare të BE-së se është i nevojshëm një përparim në rrjedhën e dialogut.
Sot prita dy kryenegociatorët dhe delegacionet e tyre në takime të veçanta për çështjet e pazgjidhura dhe rrugën përpara në dialog. Unë gjithashtu i informova për Këshillin e BE-së të hënën dhe përsërita pritjet e vendeve anëtare. Është koha për përparim të vërtetë”, ka shkruar Lajçak.
Today, I hosted the two Chief negotiators and their delegations for separate meetings on outstanding issues and the way forward in the Dialogue. I also briefed them on Monday’s FAC and reiterated the expectations of Member States. It’s high time for real progress. pic.twitter.com/3fgcB6pN8Y
— Miroslav Lajčák (@MiroslavLajcak) November 16, 2021
Në Bruksel janë zhvilluar sot disa takime të delegacionit të Kosovës, që merr pjesë në dialog me Serbinë, me përfaqësuesin e BE-së për këtë proces, Miroslav Lajçak. Ky i fundit po ashtu ka pasur disa takime edhe me delegacionin e Serbisë.
Megjithëkëtë nuk ka pasur një takim të përbashkët në kuadër të dialogut mes palëve, me ndërmjetësimin e BE-së./21Media