Talibanët ndalojnë monedhat e huaja në Afganistan
Talebanët kanë ndaluar përdorimin e monedhave të huaja në Afganistan, një veprim që mund të prishë më tej një ekonomi në prag të kolapsit.
“Situata ekonomike dhe interesat kombëtare në vend kërkojnë që të gjithë afganët të përdorin monedhën afgane në çdo tregti të tyre,” thanë talebanët.
Ekonomia është duke luftuar për shkak të tërheqjes së mbështetjes financiare ndërkombëtare pasi talibanët morën kontrollin, transmeton rtv21.tv.
Dollari amerikan është përdorur gjerësisht në tregjet e Afganistanit. Dollarët gjithashtu përdoren shpesh për tregti në zonat në kufi me fqinjët e Afganistanit si Pakistani.
“Emiratet islamike i udhëzon të gjithë qytetarët, shitësit, tregtarët, biznesmenët dhe publikun e gjerë që tani e tutje të kryejnë të gjitha transaksionet në afganë dhe të përmbahen rreptësisht nga përdorimi i valutës së huaj”, tha zëdhënësi i talebanëve Zabihullah Mujahid në një deklaratë të postuar në internet.
“Kushdo që shkel këtë urdhër do të përballet me veprime ligjore”, thuhet në deklaratë.
Në fillim të këtij viti, Fondi Monetar Ndërkombëtar (FMN) tha se Afganistani nuk do të jetë më në gjendje të përdorë burimet e tij, ndërsa
Banka Botërore gjithashtu ndaloi fondet për projektet në vend.
Muajin e kaluar, FMN paralajmëroi se ekonomia e vendit mund të tkurret me 30% këtë vit , duke shtyrë miliona në varfëri dhe duke shkaktuar një krizë humanitare.
Fondi tha gjithashtu se problemet ekonomike të Afganistanit mund të nxisin një krizë refugjatësh duke prekur vendet fqinje, Turqinë dhe Evropën.
Vendi po vuan gjithashtu nga një thatësirë e madhe, e cila ka shkatërruar shumë nga prodhimet e tij të grurit dhe ka rritur çmimet.
Programi Botëror i Ushqimit i Kombeve të Bashkuara ka paralajmëruar se miliona afganë mund të përballen me urinë për shkak të një kombinimi të thatësirës, konfliktit dhe Covid-19.
Megjithatë, edhe pse fuqitë perëndimore kanë thënë se duan të shmangin një fatkeqësi humanitare në Afganistan, ato kanë refuzuar të njohin zyrtarisht qeverinë talebane./21Media