Talibanët qëllojnë me armë për të shpërndarë turmën në Kabul

Talibanët kanë qëlluar me paralajmërim për të shpërndarë turmën në një protestë të madhe në kryeqytetin afgan, Kabul.
Pamjet nga vendi i ngjarjes tregojnë njerëz që vrapojën, ndërsa të shtënat e forta të armëve mund të dëgjohen në sfond.
Qindra protestues dolën në rrugë të martën për të denoncuar sundimin taleban dhe për të kërkuar të drejtat e grave.
Protestuesit gjithashtu brohoritën parulla kundër Pakistanit, pasi shumë besojnë se Pakistani fqinj mbështet talibanët, të cilat vendi i mohon, transmeton rtv21.tv.
Një video e dërguar në BBC tregon luftëtarët talebanë që gjuajnë me armë në ajër – një veprim që grupi e ndaloi javën e kaluar pasi disa persona u raportuan të vrarë pas të shtënave me armë.
Rojet në një bankë aty pranë hapën portën e saj të bodrumit për dhjetëra gra që u strehuan nga të shtënat për rreth 20 minuta, tha një nga protestuesit për BBC.
Disa gazetarë, përfshirë ekipin e BBC, u penguan të xhironin në tubim. Agjencia afgane e lajmeve Tolo raportoi se kameramani i saj u arrestua dhe u ndalua nga talebanët për gati tre orë.
Një ish-zyrtar i qeverisë, i cili kërkoi të mbetet anonim, i tha BBC-së se anëtarët talebanë po bënin fotografi nga afër të protestuesve kryesorë, ndoshta për të ndihmuar në identifikimin e tyre më vonë.
Gratë kanë protestuar javën e kaluar , por të martën burrat iu bashkuan thirrjeve të tyre për barazi dhe siguri. Shumë vëzhgues kishin komentuar se kishte pak burra në tubimet e mëparshme të drejtuara nga gratë.
Protestuesit u dëgjuan duke brohoritur “rroftë rezistenca” dhe “vdekje Pakistanit” ndërsa marshonin./21Media