Të paktën 64 civilë të vrarë dhe qindra të plagosur nga pushtimi rus
OKB ka bërë të ditur se të paktën 64 civilë janë vrarë që kur Rusia pushtoi Ukrainën.
Zyra e agjencisë për Koordinimin e Çështjeve Humanitare raportoi “të paktën 240 viktima civile, duke përfshirë të paktën 64 njerëz të vrarë” në luftimet që kanë shpërthyer që kur Moska nisi sulmin.
Deklarata shtoi se dëmtimi i infrastrukturës civile ka privuar qindra mijëra njerëz nga aksesi në energji elektrike ose ujë, transmeton rtv21.tv
”Qindra shtëpi janë dëmtuar ose shkatërruar, ndërsa urat dhe rrugët e dëmtuara nga bombardimet kanë lënë disa komunitete të shkëputura nga tregjet”, thuhet në deklaratë./21Media
Lexim me zë
Dëshiron ta dëgjosh këtë lajm me zë?