Të shtëna me armë, pesë të vrarë

Pesë persona kanë humbur jetën pasi një person i armatosur hapi zjarr në një bllok banesash në Toronto, Kanada.
Policia iu përgjigj njoftimeve për të shtënat në ndërtesën në Vaughan, rreth 30 km në veri të Torontos, në orën 19:20 të dielën, duke vrarë të dyshuarin atje.
Një tjetër i plagosur është dërguar në spital në gjendje të rëndë.
Autoritetet po hetojnë motivin, duke përfshirë një lidhje të mundshme mes personit të armatosur dhe viktimave.
Shefi i policisë, Jim MacSween tha se oficerët e pranishëm u ndeshën me një “skenë të tmerrshme”, me viktima të shumta të vdekura të gjetura në banesa të ndryshme të ndërtesës.
MacSween tha se nuk kishte asnjë kërcënim të vazhdueshëm për publikun dhe policia tha se të evakuuarit mund të kthehen në shtëpitë e tyre.
Në një postim në Twitter, kryetari i bashkisë së Vaughan, Stephen Del Duca u shpreh ngushëllime familjeve të viktimave.
Ndërkohë që ka më pak të shtëna masive se fqinji i SHBA-së, Kanadaja kohët e fundit ka parë një rritje të dhunës me armë, duke nxitur legjislacionin e fundit për të ndaluar armët.
Në maj të vitit 2020, Kanadaja ndaloi 1 mijë e 500 lloje të armëve të zjarrit të tipit ushtarak, pasi një person i armatosur i maskuar si polic vrau 22 njerëz në Nova Scotia./21Media

Back to top button