Të vdekur e të plagosur pas shembjes së tribunës në një garë me dema

Një festë përfundoi në katastrofë në Kolumbi të dielën pasi një stadium u shemb pjesërisht në mes të një ndeshjeje me dema, duke bërë që qindra njerëz të lëndohen. Së paku katër të vdekur u raportuan fillimisht nga autoritetet, me raportet e mëvonshme për numrin e të plagosurve që ndryshonin shumë, duke variuar nga dhjetëra në qindra.
Shembja e papritur e stadiumit me tre nivele u kap drejtpërdrejt në televizionin lokal ashtu edhe nga të pranishmit, të cilët nxituan të qarkullojnë video në rrjetet sociale.
Autoritetet lokale në El Espinal, një qytet që shtrihet në jugperëndim të kryeqytetit të Kolumbisë, nuk kanë dhënë një shifër të saktë për të plagosurit ose të vrarët.
Deri të dielën mbrëma, gazeta, El Tiempo , raportoi se 262 njerëz ishin “prekur” nga shembja.
Kryetari i bashkisë së El Espinal, Juan Carlos Tamayo Salas, tha se autoritetet ishin përgjigjur në vendngjarje, duke transportuar spektatorët e plagosur në spitalet lokale.
Një këshilltar lokal i tha El Tiempo se reaguesit e parë dhe objektet mjekësore ishin mbingarkuar nga aksidenti. “Ne kemi nevojë për mbështetje nga ambulancat dhe spitalet fqinje, shumë njerëz janë ende të pambikëqyrur,” citoi gazeta të thoshte ai./21Media