Temperatura mbi 36 gradë në dy ditët e fundit të korrikut

 
Instituti Hidrometeorologjik i Kosovës(IHMK) ka njoftuar masat e nxehta të ajrit të ardhura nga Afrika Veriore do të mbeten të qëndrueshme edhe për ditët vijuese, duke krijuar mot shumë të nxehtë dhe me vapë.
Temperaturat minimale do të lëvizin ndërmjet 16-18 gradë Celsius, ndërsa maksimalet e ditës parashihen të lëvizin ndërmjet 36-38 gradë Celsius.
“Indeksi UV mbetet në vlera ekstreme, prandaj kujdes nga kontakti direkt me rrezet e diellit, sidomos personat në moshë dhe shtresa tjetër e popullatës me sëmundje kronike”, njofton IHMK.
Do të fryjë erë e lehtë deri mesatare nga drejtimi i juglindjes dhe verilindjes./21Media