Tenistit serb i refuzohet hyrja në Australi

2 min read

Yllit të tenisit Novak Djokovic i është refuzuar viza për të hyrë në Australi në mënyrë dramatike me mbërritjen e tij në Melburn.

Numri një në botë u mbajt në aeroportin e qytetit për disa orë përpara se zyrtarët e kufirit të njoftonin se ai nuk kishte përmbushur rregullat e hyrjes dhe se do të dëbohej.

Gjokoviç u dërgua më pas në një hotel paraburgimi qeveritar.

Ndërkaq, avokatët e tij kanë nisur një apel urgjent në gjykatë.

Kjo pason një reagim masiv mbi një përjashtim nga vaksinat që Gjokoviç tha se duhej të luante në Australian Open, transmeton rtv21.tv

Lojtari serb nuk ka folur për statusin e tij të vaksinimit, por vitin e kaluar ai tha se ishte “kundër vaksinimit”.

Organizatorët e turneut thanë se përjashtimi mjekësor i Gjokoviçit ishte dhënë nga dy panele të pavarura mjekësore të organizuara nga Tenis Australia dhe shteti Victoria.

Por, zyrtarët thanë se ai “dështoi të sigurojë provat e duhura” për hyrjen pasi mbërriti të mërkurën nga Dubai.

“Jo-shtetasit që nuk kanë një vizë të vlefshme në hyrje ose të cilëve u është anuluar viza do të ndalohen dhe largohen nga Australia”, tha në një deklaratë Forca Kufitare Australiane (ABF).

Kryeministri i Australisë Scott Morrison mohoi se Gjokoviç po veçohej dhe tha se askush nuk ishte mbi rregullat e vendit, transmeton rtv21.tv

Por, ai shtoi se qëndrimi i Gjokoviç për vaksinimin kishte tërhequr vëmendjen.

“Kur i bëni njerëzit të bëjnë deklarata publike, për atë që thonë se kanë dhe çfarë do të bëjnë dhe cilat janë pretendimet e tyre, ata tërheqin vëmendje të madhe ndaj vetes”, u tha Morrison gazetarëve./21Media