Tensionet në veri rëndojnë ekonominë e vendit

Tensionet në veri të vendit përveç dëmeve politike, po shkaktojnë dëme edhe në aspektin ekonomik. Subjektet përfaqësuese të bizneseve dhe njohës të fushës së ekonomisë vënë në pah rreziqet që prodhon në sektorin e ekonomisë situata e krijuar në veri të vendit.

Tensionet e fundit në veri po ndikojnë drejtpërdrejt edhe në ekonomin. Trazirat e vazhdueshme në këtë pjesë të vendit, sipas njohësve të ekonomisë, po shkaktojnë frikë tek investitorët potencial.

Po ashtu pengesa janë paraqitur edhe në eksportonin e prodhimeve vendore. Kryetari i shoqatës së eksportuesve, Nexhat Hasani, tha se trendi i rënies së eksportit është milionësh.

“Faktori politik është drejtë për drejt i lidhur me atë ekonomik pa stabilitet ekonomik nuk ka ekonomi të shëndoshë, krizat në veri i terhjekin investitorët nga Kosova po edhe nga Ballkani sepse është tregu jo i qëndrueshëm jo i sukseshëm… në muajin e kalum eksporti ka qenë 65 milionë euro tash do të jetë diku 45 milionë si do që të jetë kjo është një sëmundje për ekonominë tonë… për që ka biznese që janë largu nga Kosova për shkak të situatës është e pa kontestueshme do të thotë njerëzit ikin aty ku nuk ka siguri fizike nuk ka investim…”, tha Hasani për RTV21.

Kryetari i aleancës së bizneseve Agim Shahini, thotë se pas sulmi terrorist në veri, po vërehet një ngadalësim i ekonomisë.

“Ndikon negativisht për shkak se në një vend ku zihen aq shumë arsenal ushtarak, i një paraushtrie, i një parapolicie, i një grupi politik që pretendon ta marr një territor të huaj kjo do të thotë frikësim i investitorëve dhe gjatë këtyre ditëve Kosova ka pësau një ngadalësim të ekonominë ngadalësim të pagesave të ratave të bizneseve etj… rreth 20 milionë euro ka qenë qarkullimi më pak në konsum total dhe kjo ngadalëson rritjen e zhvillimit ekonomik..”, tha ai për RTV21.

Edhe njohësi i ekonomisë, Medain Hashani, thotë se trazirat shkaktojnë pasiguri në fushën e të bërit biznes.

“Trazirat në Kosovë ndikojnë në ekonomi gjithsesi për arsye se krijojnë një lloj pasigurie për të gjitha bizneset e Kosvoës por edhe për bizneset që eksportojnë në Kosovë sepse çdo trazirë politike ndikon edhe në zhvillim ekonomik të një vendi prandaj shumica e bizneseve të Kosovës që kanë pasë përfaqësi në BE kanë fillu me u pa si rrisk për të ardhmën”, tha Hashani.

Por tërë këtë situatë, kryetari i Dhomës së afarizmit në Kosovë, Skender Krasniqi, e sheh nga një këndvështrim tjetër. Sipas tij, reagimi profesional i institucioneve të sigurisë, ofron një garanci edhe për zhvillimin e bizneseve.

Krahas tensioneve të fundit, gjendjen në sektorin ekonomikë e kanë rënduar edhe masat ndëshkuese të BE-së ndaj Kosovës, të cilat ende vazhdojnë të jenë fuqi./21Media