Thaçi dhe Mogherini pajtohen që dialogu të rifillojë sa më shpejt
“Duhet ta heqim menjëherë pretekstin që po e shfrytëzon Serbia për bllokimin e dialogut”
Presidenti Hashim Thaçi i është ankuar përfaqësueses së lartë të BE-së, Federica Mogherinit për kushtëzimin e Serbisë për nisjen e dialogut, duke marrë si pretekst taksën ndaj produkteve të saj
Përkundër mirëkuptimit nga ana e Mogherinit, Thaçi ka thënë se mesazhi i saj ishte i qartë.
“Dialogu duhet të vazhdojë dhe të dyja palët duhet të përmbahen nga veprimet e njëanshme që pengojnë vazhdimin e tij”, ka thënë Mogherini.
“Pavarësisht se mund të duket e padrejtë, ne duhet të tregohemi sërish pragmatikë dhe t’i respektojmë këshillat e BE-së dhe të SHBA-së. Qëndrimi i BE-së dhe SHBA-së është i qartë dhe nuk lë vend për interpretime të lira. Duhet ta heqim menjëherë pretekstin që po e shfrytëzon Serbia për bllokimin e dialogut.”, ka shkruar presidenti, duke aluduar në heqjen e taksës e cila pengon vazhdimin e dialogut./21Media